Have not I commanded thee? Be strong and of a good courage; be not afraid, neither be thou dismayed: for the LORD thy God is with thee whithersoever thou goest.
Si Yahweh ay naghahari, magalak ang buong mundo! Â Â Â Magsaya nama't magdiwang, lahat kayong mga pulo!
Ang paligid niya'y ulap na puno ng kadiliman, Â Â Â kaharian niya'y matuwid at salig sa katarungan.
Sa unahan niya'y apoy, patuloy na nag-aalab, Â Â Â sinusunog ang kaaway sa matindi nitong ningas.
Yaong mga kidlat niyang tumatanglaw sa daigdig, Â Â Â kapag iyon ay namasdan, ang lahat ay nanginginig.
Itong mga kabundukan ay madaling nalulusaw, Â Â Â sa presensya ni Yahweh, Diyos ng sandaigdigan.
Sa langit ay nahahayag nga ang kanyang katuwiran, Â Â Â sa lupa ay makikita ang kanyang kadakilaan.
Lahat silang sumasamba sa kanilang diyus-diyosan, mahihiya sa kanilang paghahambog na mainam. Â Â Â Mga diyos nilang ito ay yuyuko sa Maykapal.
Nagagalak itong Zion, mamamaya'y nagsasaya, Â Â Â nagagalak ang lahat ng mga lunsod nitong Juda, Â Â Â dahilan sa wastong hatol yaong gawad na parusa.
Ikaw, Yahweh, ay Dakila at hari ng buong lupa, Â Â Â dakila ka sa alinmang mga diyos na ginawa.
Mahal ni Yahweh ang lahat ng namumuhi sa masama, Â Â Â siya ang nag-iingat sa buhay ng mga lingkod niya; Â Â Â sa kamay ng mga buktot, tiyak na ililigtas niya.
Sa tapat ang pamumuhay ay sisinag ang liwayway, Â Â Â sa dalisay namang puso maghahari'y kagalakan.
Kayong mga matuwid, kay Yahweh ay magalak, Â Â Â sa banal niyang pangalan kayo'y magpasalamat.