O Yahweh, aking Diyos, sa iyo ako lumalapit, Â Â Â iligtas mo ako sa mga taong sa aki'y tumutugis,
kundi, sila'y parang leon na lalapa sa akin    kung walang magliligtas, ako nga ay papatayin.
O Yahweh, aking Diyos, kung ako ma'y nagkasala, Â Â Â at kung aking mga kamay ay puminsala sa iba, Â Â Â
kung ako ay naging taksil sa tapat kong kaibigan, Â Â Â kung ako po'y naminsala o nang-api ng kaaway,
payag akong hulihin, patayin kung kailangan, Â Â Â iwan akong walang buhay at sa lupa'y mahandusay. (Selah)
O Yahweh, bumangon ka, puksain mo ang kaaway, Â Â Â ako'y iyong ipagtanggol sa malupit nilang kamay! Â Â Â Gumising ka't sagipin mo, ako ngayon ay tulungan, Â Â Â dahil ang hangad mo'y maghari ang katarungan.
Tipunin mo sa iyong piling ang lahat ng mga bansa, Â Â Â at mula sa trono sa kaitaasan, ikaw Yahweh ang mamahala.
Sa lahat ng mga bayan ikaw ang hukom na dakila, Â Â Â humatol ka sa panig ko sapagkat ako'y taong tapat.
Ikaw ay isang Diyos na matuwid, Â Â Â batid mo ang aming damdamin at pag-iisip; sugpuin mo ang gawain ng masasama, Â Â Â at ang mabubuti'y bigyan mo ng gantimpala.
Ang Diyos ang aking sanggalang; Â Â Â inililigtas niya ang may pusong makatarungan.
Ang Diyos ay isang hukom na makatarungan, Â Â Â at nagpaparusa sa masama sa bawat araw.
Kung di sila magbabago sa masasama nilang gawa, Â Â Â ang tabak ng Diyos ay kanyang ihahasa; Â Â Â pati ang kanyang pana ay kanyang ihahanda.
Mga pamatay na sandata ay kanyang itatakda, Â Â Â kanya ring iuumang ang mga palasong nagbabaga.
Pagmasdan mo ang masama, sa baluktot niyang isip, Â Â Â ipinaglilihi niya ang kalokohan at ipinanganganak niya ang kasamaan.
Humuhukay nang patibong para sa ibang tao, Â Â Â subalit siya rin mismo ang nahuhulog dito.
Siya rin ang may gawa sa parusang tinatanggap, Â Â Â sa sariling karahasan, siya ngayo'y naghihirap.
Pasasalamatan ko si Yahweh sa kanyang katarungan, Â Â Â aawitan ko ng papuri ang Kataas-taasan niyang ngalan.