Ang kaluwalhatian ng Diyos ay ipinapahayag ng kalangitan! Â Â Â Ang ginawa ng kanyang kamay, ipinapakita ng kalawakan!
Sa bawat araw at gabi, pahayag ay walang patlang, Â Â Â patuloy na nagbibigay ng dunong at kaalaman.
Wala silang tinig o salitang ginagamit, Â Â Â wala rin silang tunog na ating naririnig;
ngunit abot sa lahat ng dako ang kanilang tinig, Â Â Â balita ay umaabot hanggang sa dulo ng daigdig. Gumawa ang Diyos sa langit ng tahanan para sa araw, Â Â Â
tuwing umaga'y lumalabas ito na parang masayang kasintahan, Â Â Â tulad ng masiglang manlalaro na handang-handa sa takbuhan.
Sa silangan sumisikat, lumulubog sa kanluran, Â Â Â walang nakapagtatago sa init nitong taglay.
Ang batas ni Yahweh, walang labis walang kulang, Â Â Â ito'y nagbibigay sa tao ng panibagong kalakasan. Ang mga tuntunin ni Yahweh'y mapagkakatiwalaan, Â Â Â nagbibigay ng talino sa payak na isipan.
Ang mga utos ni Yahweh ay makatuwiran, Â Â Â ito'y nagpapasaya ng puso at kalooban. Ang mga tagubilin ni Yahweh ay tama, Â Â Â nagbibigay sa isipan ng hustong pang-unawa.
Paggalang at pagsunod kay Yahweh ay dalisay, Â Â Â magpapatuloy ito magpakailanman; ang mga hatol ni Yahweh ay tunay na makatarungan, Â Â Â patas at walang kinikilingan.
Mas kanaisnais pa ito kaysa gintong lantay, Â Â Â mas matamis pa kaysa pulot ng pukyutan.
Ang mga utos mo, Yahweh, ay babala sa iyong lingkod, Â Â Â may malaking gantimpala kapag aking sinusunod.
Walang taong pumupuna sa sarili niyang kamalian, Â Â Â iligtas mo ako, Yahweh, sa lihim na kasalanan.
Ilayo mo ang iyong lingkod sa mapangahas na kasalanan, Â Â Â huwag mong itulot na maghari sa akin ang kasamaan. Sa gayo'y mamumuhay akong walang kapintasan, Â Â Â at walang bahid ng masama ang aking mga kamay.
Nawa'y ang mga salita ko at kaisipan, Â Â Â kaluguran mo, Yahweh, manunubos ko at kanlungan.