Purihin si Yahweh! O kay sarap umawit at magpuri sa ating Diyos, Â Â Â ang magpuri sa kanya'y tunay na nakalulugod.
Ang lunsod ng Jerusalem, muli niyang ibabalik, Â Â Â sa kanyang mga lingkod, na natapon at nalupig.
At ang mga pusong wasak ay kanya ring lulunasan, Â Â Â ang natamo nilang sugat ay bibigyang kagalingan.
Alam niya't natitiyak ang bilang ng mga bituin, Â Â Â isa-isang tinatawag, sa pangala'y itinuring.
Si Yahweh na ating Diyos ay dakila at malakas, Â Â Â taglay niyang karunungan, hinding-hindi masusukat.
Taong mapagpakumbabá'y siya niyang itataas,    ngunit lahat ng mayabang sa lupa ay ibabagsak.
Umawit ng mga imno at si Yahweh ay purihin, Â Â Â purihin ang ating Diyos at ang alpa ay tugtugin.
Ang ulap sa kalangitan ay siya ang naglalatag, Â Â Â itong lupa'y dinidilig ng saganang tubig-ulan, Â Â Â sa bundok at gubat nama'y, mga damo'y binubuhay.
Pagkain ng mga hayop, siya rin ang nagbibigay,    pinapakain nga niya nagugutom    na inakay.
Hindi siya nalulugod sa kabayong malalakas, Â Â Â kahit mga piling kawal hindi siya nagagalak.
Ngunit sa may pagkatakot, kasiyahan niya'y labis, Â Â Â sa kanilang may tiwala sa matatag niyang pag-ibig.
Purihin si Yahweh, mga taga-Jerusalem! Â Â Â Purihin mo ang iyong Diyos, kayong mga taga-Zion!
Pagkat mga pintuan mo ay siya ang nag-iingat, Â Â Â ang anak mo't mga lingkod, pinagpala niyang lahat.
Ginagawang mapayapa ang iyong hangganan, Â Â Â sa kaloob niyang trigo, bibigyan kang kasiyahan.
Kapag siya'y nag-uutos, agad itong natutupad, Â Â Â dumarating sa daigdig, na hindi na nagluluwat.
Singkapal ng damit-tupa mga yelong pumapatak, Â Â Â para itong alikabok na sa lupa'y nalalaglag.
Mga yelong buo-buo, sinlaki ng munting bato, Â Â Â lumalagpak, na ang lamig di matiis kahit sino.
Ang yelo ay natutunaw, sa isa lang niyang utos, Â Â Â umiihip ang hangin at ang tubig ay umaagos.
Kay Jacob niya ibinigay ang lahat ng tagubilin, Â Â Â ang tuntuni't mga aral, ibinigay sa Israel.
Ang ganitong karapatan ay wala ang ibang bansa, Â Â Â pagkat hindi nila batid ang utos na itinakda. Purihin si Yahweh!